Dagoeneko zabalik da Chillida-Leku museoak ikastetxeentzat antolatzen dituen hezkuntza programetan izena emateko epea. Gainera, ikasturte hasieran beti egin ohi duenez, Eduardo Chillida-Pilar Belzunce fundazioak gonbita egin nahi die irakasleei, Chillida-Leku museoa eta ikasleentzat antolatzen duen egitaraua ezagutzera etor daitezen.
 
Irakasleentzako jardunaldiak urriaren 2an egingo dira, Chillida-Leku museoan, 10:30etik  14:00era. Parte hartzeko, tokia hartu beharra dago, irailaren 26a baino lehen, webgune honetan bertan eskari orria beteta, telefonoz deituta (943.335308) nahiz posta elektronikoko helbide honetara idatzita: educacion@museochillidaleku.com
 
Informazio gehiago nahi izanez gero, zabaldu dokumentu atxikia.