Flavio Sala - Isiltasuna soinuen artean
Gitarra kontzertua
Flavio Sala
Isiltasuna soinuen artean
- 2026ko uda
Isiltasunaren presentzia funtsezkoa da bizitzan zein musikan. Estimulu-fluxu etengabean murgilduta bizi gara, eta horrek zaildu egiten du sakon entzutea eta gogoeta egitea. Testuinguru horretan, isiltasunak esanahi transzendentala hartzen du. Era berean, programa hau osatzen duten obretan, isiltasunek funtsezko papera betetzen dute: ez dira gabezia, baizik eta diskurtso musikalaren beraren zati erradikala. Ideia horrek bat egiten du Eduardo Chillidaren pentsamenduarekin, bere obran isiltasuna hutsaren antzekoa izan baitaiteke, eta kasu honetan hutsa ez da ezereza, baizik eta posibilitaterako, elkartzeko eta barne-erresonantziarako espazioa.
Programa
Johann Sebastian Bach (1685 - 1750): "Andante" de la II Sonata en La menor para violín BWV 1003 (6’)
Benjamin Britten (1913 - 1976): Nocturnal op. 70 After John Dowland (22’)
Manuel María Ponce (1882 - 1948): Variations sur "La folía de España" et Fugue (28’)
Fernando Sor (1778 - 1839): Fantasía Elegiaca op. 59 (22’)
Johann Sebastian Bach: "Chacona" de la II Partita en Re menor para violín BWV 1004 (15’)
Chillida Leku
Jauregi Bailara, 66,
20120 Hernani, Gipuzkoa
Bio
Flavio Sala | Flavio Sala (Molise, Italia, 1983) "gitarraren Paganini berritzat" jotzen dute Alirio Diaz eta Steve Howe bezalako figurek. Nazioarteko gitarra lehiaketa ospetsuak irabazi ditu. Arrakasta handiz aritu zen Moskuko Tchaikovski Aretoan, eta hamar kontzertu eman zituen, sarrerak agortuta. Europa eta Amerikako antzoki eta filarmonika garrantzitsuetan aurkeztu du bere obra. Bere estiloak Francisco Tárrega, Andrés Segovia eta Paco de Lucía maisu handien eraginak konbinatzen ditu. Aitzindaria izan zen teknika klasikoa elementu flamenko eta akustikoekin uztartzen. Izaera moldakorra du, eta nazioarteko artista eta orkestra entzutetsu askorekin egin du lan. Pandemian zehar online irakaskuntza bultzatu zuen gitarra ikastaro berritzaile bat sortuz. Gainera, gitarra-teknika eta errepertorioari buruzko liburuak eta edizio pedagogikoak argitaratu ditu. Gaur egun, kontzertu-ibilbidea jarraitzen du, eta Foggiako (Italia) "Umberto Giordano" kontserbatorioan irakaslea da.