"El enigma de Anne Wallace" liburuaren aurkezpena

Alfonso del Ríok, La ciudad de la lluvia bestsellerraren egileak, Chillida Lekun aurkeztuko du eleberri berria, El enigma de Anna Wallace. Asturiasko Printzea Saria emateko ekitaldian hasten da, non atentatu batek sekretuz, espioitzaz eta iruzurrez betetako ikerketa konplexua eragiten duen. Tramaren erdian Anne Wallace pianista bikaina dugu: susmagarri nagusietako bat izan arren, bere adimena erabiltzen du egia deskubritzeko eta benetako erruduna ezagutarazteko.

Eleberrian zehar, protagonistak elkarrizketa sakonak ditu Eduardo Chillidarekin eta horien bitartez, egileak egungo gizarteak alderdi artistikoarekiko duen deskonexioari buruz hausnartzera gonbidatzen du irakurlea.

“Bere talentuak liluratzen du. Jotzen duen moduagatik, sortzearen erabateko galbidean murgiltzeko eragatik. Ziur dago bere bizitzan ez duela sekula berdin interpretatu pieza bat. Aldi bakoitza bakarra da. Hori da berak ere bilatzen duena. Chillidak badaki artea ez dela ikasten. A priori ezagutzen diren obrak hilda jaiotzen dira. Eta ezezagunaren, probaren amildegira jauzi eginez bakarrik sor daiteke benetan artea”.

Aurkezpenean zehar, Alfonso del Ríok eleberriaren gakoak partekatuko ditu eta Luis Chillida eskultorearen semearekin hitz egingo du Eduardo Chillidak liburuan duen presentziaren eta esanahaien inguruan.