Bisita elkarrizketatua. Pilar Belzunce. Erretratu intimoa

Pilar Belzunce. Erretratu intimoa erakusketari egindako elkarrizketa bidezko bisitak Pilarren irudia hurbileko begirada kolektibo batetik ezagutzera gonbidatzen du publikoa. Erakusgai dauden obra, oroitzapen eta dokumentu pertsonalei buruzko elkarrizketa baten bidez, Eduardo Chillidaren bizikide, familia ugariaren ama eta eskultorearen bizi- eta arte-proiektuaren eraikuntzan funtsezko presentzia gisa duen papera aztertuko da. Bisitak erakusketaren xehetasun intimoei erreparatzea proposatzen du — pinturak, argazkiak, objektuak —, memoria, kontakizuna eta sentsibilitatea aktibatzeko, eta horrela hobeto ulertzeko emakume moldakor eta argitsu horren sakontasuna.