Txikijazz - Sara Dowling-en kontzertua

Sara Dowling (ahotsa), Ross Stanley (pianoa), Dario di Lecce (kontrabaxua), Stephen Keogh (bateria)

British Jazz Awards 2019ko bokalista onena hautatua, Sara Dowling Jazzaren talentu handieneko ahotsetako bat da Erresuma Batuan.

Jazzaren hizkuntzan sustraitutako ahotsarekin eta bere errepertorio propioarekin, Sara berezko estilo batekin nabarmentzen da, eta bere konposizioetan eta estandar amerikarren bere interpretazio originaletan antzematen da hori.  Bere kontzertuen ezaugarri nagusiak honako hauek dira: bere ahots ahalmentsu eta seguruari darion energia izugarria, komunikatzeko bere gaitasun liluragarria, berezkoa duen musikaltasuna, inprobisazioa eta publikoarekiko elkarreragina. Bere eragin handienak Betty Carter eta Sarah Vaughan dira.