Landscape Together - Topaketa Nagore Legarreta argazkilariarekin

Bitartekaritza partekatuak erakusketak Chillida Lekuren parte-hartzea jasotzen du Landscape Together proiektu europarraren esparruan, eta 2024an museoan zein Portugalgo erdialdean egindako ekintzen argazki-erregistroak erakusten ditu. Nagore Legarreta argazkilariak bere kamerarekin jaso ditu une horiek. Bere sentsibilitate artistikoari esker, irudiak dokumentu-erregistro soilaz gain daude. Nagore Legarretak proiektuari buruzko begirada artistiko eta pertsonala eskaintzen du. Erregistro huts gisa funtzionatzetik urrun, bere irudiek ikusgaia baino haratago begiratzera gonbidatzen dute, proiektua zeharkatzen duten energia eta intentsitatea atzemanez. Argazkiek komunitate artistikoaren inplikazioa eta lanaren dimentsio gizatiar eta kolektiboa erakusten dute, bizitako esperientzia interpretatzen eta handitzen duen kontakizun bisual bihurtuz.

Nagore Legarretari buruz(Hernani, 1981)

Ikus-entzunezko Komunikazioan lizentziaduna, Hernaniko Kronikan kazetaria eta argazkilari lanean hasi zuen ibilbidea argazkilaritza eta komunikazioren alorrean 2003-2009 artean. Argazkilaritza, sormena eta arte hezkuntzan dihardu lanean orduzgero.

Hainbat sortzailerekin elkarlanean, haien proiektuentzat iruditegia sortzeko enkarguak burutu ditu: Maite Larburu, Olatz Salvador, Neri(h)ari (Myriam Perez Cazabon), Anari, beste hainbaten artean. Horrez gain, argazkilaritza esperimentalaren bidez bere lengoaia propioa lantzeko bidea jorratu du: 2016an, oinarri kontzeptuala duen bere lehen lana plazaratu zen, ´Hysteron´ izenekoa. Proiektuak hainbat erakusketa garrantzitsu izan ditu. Esaterako, Esther Ferrer eta Marina Abramovićekin izan zuen erakusketa kolektiboa Pauko Unibertsitatean, 2018an. 

Ondoren, Suzko Irudiak (2017-2025) eta Ibaia ez da toki bat (2017-2025) proiektuak abiatu eta garatzeari ekin zion, horiekin ere ibilbide aipagarria lortuz. 2025eko abuztuan, Ibaia ez da toki bat BIENALSUR Arte Garaikideko erakustaldian aurkeztu zen Buenos Airesen.

2019an egin zuen bere lehen obra publikoa: 45 x 3 metroko zabalerako murala, kristalean serigrafiatu eta retroiluminatua, Astigarragako Udalaren enkarguz, herriko 240 emakumeren gorpuzkerak erretratatuz.

Argazkigintza eta irudi sormenaz gain, tailerrak garatzen ditu argazkilaritzaren eta sormenaren alorretan.