Lotura - Gizarteratzeko hezkuntza programa

CaixaBank-en bitartez, “La Caixa” Fundazioaren eta Eduardo Chillida - Pilar Belzunce Fundazioaren laguntzarekin garatutako hezkuntza-programa.

Lotura proiektuak lotura afektiboa sortu nahi du museoaren eta gizarte-bazterketako arriskuan dauden pertsonekin lan egiten duten erakundeen artean, museoa erreferentziazko gunea bihurtuz, bertara joan eta eroso egoteko.

Lotura elkartzeko, ikasteko eta esperimentatzeko gunea da. Programan parte hartzen duten pertsonek artera hurbiltzeko eta Eduardo Chillidaren lana eta bere ondarea dagoen lekua ezagutzeko aukera izango dute, baina, era berean, hainbat diziplina artistikorekin esperimentatu ahal izango dute bertako artista eta sortzaileen eskutik.

Lotura bost saioko programa bat da, bakoitzak bi orduko iraupenarekin. Jarduerak talde bakoitzaren beharretara egokituta daude.

- Baso bainuak eta Land Art-a. Itziar Insausti baso terapian adituaren eskutik. 

- Espazioa eta hutsa. Arte eta arkitektura tailerra Maushaus-en eskutik.

- Argigrama tailerra. Nagore Legarreta argazkilariaren eskutik. 

- Eskultura habitatu. Mugimendu tailerra Myriam Pérez Cazabon koreografoaren eskutik.  

- Lurra esperimentatzen. Zeramika lantegia, Aitor Ruiz de Egino artistaren eskutik. 

Chillida Leku artea, natura eta ongizatea lotzen dituen espazioa da eta inklusioan lan egiten duten entitate eta instituzioekin lankidetza bultzatzeko asmoa dauka soziabilitatea hobetzeko.

Parte hartu nahi duten erakundeek gurekin harremanetan jar daitezke.

Informazio gehiago: education@museochillidaleku.com