Udako Solstizioa - Oreka TX. Elkarrizketak

Txalapartaren oihartzun erritmikoak dira 2023ko Udako solstizioaren haria. Oreka TXk ikuskizun ibiltaria proposatzen du, non hainbat diziplina artistiko elkartu egingo diren topaketa harrigarrian. 

Harkaitz Martinez de San Vicente eta Mikel Ugarte txalapartariek museoan barrena beste modu batera ibiltzera gonbidatzen gaituzte, eta, bidean zehar, ustekabeko elkarrizketak sorrarazten dituzte eskulturen, musikaren eta dantzaren artean. Oreka TX, gainera, banda osoarekin dator: Mixel Ducau, Iñigo Egia eta Juan Jose Otxandorena musikariekin. Oreka TXren deialdira artista-talde bikaina dator. Hala, 2023ko Udako solstizioan Amaia Elizaran dantzaria; Janire Etxaberen dantza bertikala; Iban Nikolai (digeridoo),Gorka Hermosa (akordeoia) eta Xabi Zeberio (Alos Quartet) musikariak, eta Thierry Biscaryren eta Nahia Zubeldiaren ahotsak izango dira. Kalitate goreneko konjurua udari ongietorria egiteko.