Zabalaga baserria

“Lo llevaré a cabo pero sin marcar fechas. He comenzado a guardar obra, pero este maravilloso caserío no será un museo sino la señal de que soy de allí. No quiero una reconstrucción sino dejarlo firme y seguro tal y como está para llenarlo de una estructura contemporánea: que se vea el hoy y el ayer”.

Eduardo Chillida

Baserria birgaitu zuen eskultoreak, baina eraikinaren nortasun tradizionalari eutsita. Chillidak finka erosi zuenean, eraikina erortzeko zorian zegoen. Artistari oso deigarria iruditu zitzaion lurreratzekotan zegoen baserri haren itxura, eta erostea erabaki zuen, zaharberritzeko

Baserriaren kanpoaldeak itxura tradizionala mantentzen du. Fabrika mistoko hormetan harlangaitza eta harlandua txandakatzen dira; zehazki, baoen inguruan harlandua ikus daiteke. Gainera, eraikinaren hego-fatxadaren bi aldeetan profil triangeluarreko bi kontrahorma mantentzen dira. Eraikinak, gainera, zuen egurrezko bilbadura mantentzen du, baita Zabalaga familiaren jatorrizko armarri zizelkatua ere ipar-fatxadan.

Eskultura bat izango balitz bezala heldu zion Eduardo Chillidak eraikinaren birgaitzeari. Prozesua luzea izan zen, jardun-askatasuna izan zen nagusi, eta bi helburu izan zituen: eraikinaren barnean espazioa txertatzea eta jatorrizko identitatea gordetzea.